သီရိလင်္ကာရောက်မြန်မာကျောင်းသားရဟန်းတောများအဖွဲ့မှ သံဃာတော် အပါး (၅၀) ကျော်တို့်သည် ယနေ့ နံနက် (၇:၀၀) အချိန်တွင် ဂေါမြို့ တရားရိပ်သာကျောင်းမှ မြို့တော်ခန်းးမသို့ မေတ္တာကိုယ်စီပွါးလျက် ကြွချီတော် ကြပါသည်။ နံနက် (၈:၀၀) နာရီအချိန်တွင် မြို့တော်ခန်းမရှေ့ ဘုရားရင်ပြင်တော်၌ ပြုလုပ်သော ငြိမ်းချမ်းရေး ခရီးရှည် လမ်းလျှောက် ဖွင့်ပွဲအခမ်းအနားသို့ မြန်မာကျောင်းသား ရဟန်းတော် အပါး (၅၀) ကျော်နှင့်အတူ ဂေါမြို့ရှိ သံဃာ့နာယက ဆရာတော်ကြီး Ven. Chandakumara,Ven. Pannaratana အပါအ၀င် ဆရာတော်များ၊ ဂေါခရိုင် ရဲမှူးကြီး Mr. Keerthie. D- Silva (S. S. P) နှင့် အခြား တာဝန်ရှိသူများ၊ မြို့မိမြို့ဘများ စုစုပေါင်း ပရိတ်သတ် (၂၀၀) ကျော် တက်ရောကခဲ့်ကြပါသည်
အခန်းအနားကို နမောတဿ (၃) ကြိမ်ရွတ်ဆို၍ ဖွင့်လှစ်ပြီး ကြွရောက်လာကြသော သံဃာတော်များနှင့် လူပရိတ်သတ်များက မြန်မာ့ငြိမ်းချမ်းရေး၊ ကမ္ဘာငြိမ်းချမ်းရေးအတွက် မေတ္တာသုတ်ရွက်ဆို၍ ဆုတောင်ပေးခြင်း၊ ပန်းဆီမီးများ ကပ်လှူဒါန်းခြင်းများကို ရှေးဦးစွာ ပြုလုပ်ခဲ့ကြပါသည်။
ထို့နောက် ကြွရောက်လာသော ဆရာတော်ကြီးများမှ အလှည့်ကျ မြန်မာ့ငြိမ်းချမ်းရေး ကမ္ဘာငြိမ်းရေှးနှင့်ဆိုင်သော မိန့်ခွန်းများကို မိန့်ကြားခဲ့ကြပါ သည်။ မိမိတို့ သီရိလင်္ကာရောက် မြန်မာကျောင်းသားရဟန်းတော်များအဖွဲ့မှ ပြောရေးဆိုခွင်ရှိသူ အရှင်သူရ၀ံသမှ သံဃာတောများကိုယ်စား ငြိမ်းချမ်းလမ်း လျှောက်ပွဲ ပြုလုပ်ရခြင်း၏ ရည်ရွယ်ချက်အပါအ၀င် အခြားမြန်မာ့ရေးရာများနှင့် ဆက်စပ်သော စကားများကို ပြောကြားခဲ့ပါသည်။
တဆက်တည်းမှာပဲ ယနေ့ ဇန်န၀ါရီလ (၄) ရက်နေ့သည် မြန်မာနိုင်ငံ၏ နှစ် (၆၀) မြောက် လွတ်လပ်ရေးနေ့ဖြစ်ပါသည်။ မြန်မာနိုင်ငံသည် ဗြိတိသျှကိုလိုနီ လက်အောက်မှ လွတ်မြောက်ခဲ့သည်မှာ နှစ် (၆၀) ပြည့်ပါသော်လည်းပဲ၊ စစ်အာဏာရှင်စနစ်ဆိုး လက်အောက် ကျရောက်နေသည်မှာ ယနေ့တိုင် (၄၅) နှစ်ကျော်ကြာမြင့်ခဲ့ပြီးဖြစ် ပါသည်။ လက်ရှိစစ်အစိုးရသည် မြန်မာပြည်သူ ရဟန်းရှင်လူများအား လူသားချင်း စာနာမှုမရှိဘဲ မိမိတို့ စစ်အာဏာရှင်စနစ် တည်မြဲရေးတစ်ခုကိုသာ ဦးတည်၍ တိုင်းသူပြည်သားများအား ဖမ်းဆီး၊ နှိပ်စက်၊ သတ်ဖြတ်ခြင်းများ ပြုလုပ်၍ အုပ်ချုပ်နေသော အစိုးရဖြစ်ပါသည်။ အထူးသဖြင့် လွန်ခဲ့သော စက်တင်ဘာလက ငြိမ်းချမ်းစွာ မေတ္တာဘာဝနာပွါး၍ ပြည့်သူ့ကိုယ်စား လမ်းလျှောက် ဆန္ဒဖော်ထုတ်ခဲ့ကြသော ရဟန်းရှင်လူ (၃၀၀၀) ကျော်အား ဖမ်းဆီးခြင်း၊ ၄၀ နီးပါး သတ်ဖြတ်ခြင်းများကို လူမဆန်စွာ ပြုလုပ်ခဲ့ကြပါသည်။ မိမိတို့ ပြည်ပရောက် သံဃာတော်များအနေနဲ့ ဤကဲ့သို့ ငြိမ်းချမ်းစွာ လမ်းလျှောက်လိုက်ခြင်းဖြင့် မြန်မာ့အရေးကို ကမ္ဘာက ပိုမိုစိတ်ဝင်စားပြီး ငြိမ်းချမ်း စွာ ပါဝင်ကူညီနိုင်စေရန် ရည်ရွယ်ကြောင်း ပြောကြားခဲ့ကြပါသည်။