သီရိလင်္ကာနိုင်ငံ သံဃာနာယကအဖွဲ့ဝင် ဆရာတော်တစ်ပါးမှ UN ရုံးရှေ့တွင် အဖွင့် အမှာစကား ပြောကြားရာ၌ မြန်မာနိုင်ငံနှင့်သီရိလင်္ကာနိုင်ငံတို့သည် ပုဂံခေတ်ကတည်းကပင် သာသနာရေးအရ ဆက်သွယ်မှုရှိခဲ့ကြောင်း၊ မြန်မာနိုင်ငံ၌ဖြစ်ပွားခဲ့သော စက်တင်ဘာရွှေဝါရောင်တော်လှန်ရေးကို စစ်အာဏာရှင်များအကြမ်းဖက်ဖြိုခွဲသည်ကို သိရသဖြင့် များစွာစိတ်မကောင်းဖြစ်မိပါကြောင်း၊ သီရိလင်္ကာနိုင်ငံအနေဖြင့် ဤအရေးအခင်းတွင် အစိုးရ၏လုပ်ရပ်ကို ရှုတ်ချကြောင်း၊
မြန်မာပြည်၌ဖြစ်နေသောအကြောင်းအရာများကို သီဟိုဠ်သံဃာတော်များအနေဖြင့် လျှစ်လျူမရှုသင့်ကြောင်း၊
သီဟိုဠ်အစိုးရအနေဖြင့်လည်း အစိုးရအချင်းချင်း သံတမန်ရေးအရ လုပ်ဆောင်သင့်ကြောင်း၊ အမရပူရနိကာယနှင့် ရာမညနိကာယတိုိ့မှာ မြန်မာနိုင်ငံမှ ဆင်းသက်လာသော သံဃာဂိုဏ်းများ ဖြစ်ကြကြောင်းစသည်ဖြင့် မိန့်ကြားခဲ့ပါသည်။
ထို့နောက် ဂေါမြို့ရိပ်သာဆရာတော်မှလည်း ဇန်နာဝါရီ (၄)မှ (၈)နေ့အထိ ငါးရက်တိုင်တိုင် ငြိမ်းချမ်းရေးလမ်းလျှောက်ခြင်းသည် မြန်မာလွတ်လပ်ရေးနှင့် ကမ္ဘာ့ငြိမ်းချမ်းရေးအတွက် လျှောက်ကြကြောင်း၊ ခရီးစဉ်အတွင်းမှာ ခက်ခဲမှုမျိုးစုံတွေ့ခဲ့ရသော်လည်း “စိတ်ရှည်ဇွဲသန်၊ သည်းညည်းခံ”ဟူသည်နှင့်အညီ အခက်အခဲများကို ကျော်လွှားနိုင်ခဲ့ကြောင်း၊ သူအနေနဲ့လည်း မြန်မာပြည်လွတ်လပ်ရေးရရှိရေးနှင့် ကမ္ဘာငြိမ်းရေးအတွက် မြန်မာနိုင်ငံရဟန်းတော်များ၏လှုပ်ရှားမှုကို အပြည့်အ၀ ထောက်ခံအားပေး ဂုဏ်ယူပါကြောင်းစသည်ဖြင့် ပြောကြားခဲ့ပါသည်။
သီရိလင်္ကာရောက်မြန်မာကျောင်းသားရဟန်းတော်များအဖွဲ့ကိုယ်စား အရှင်သူရ၀ံသမှလည်း ငါးရက်တာခရီးစဉ်အတွင်း အဖက်ဖက်မှ ၀ိုင်းဝန်းကူညီကြသော သီရိလင်္ကာနိုင်ငံမှ ဆရာတော်သံဃာတော်များ၊ ဌာနဆိုင်ရာများ၊ ဆွမ်းဆက်ကပ်ကြသောတကာ၊ တကာမများအားလုံးကို ကျေးဇူးတင်ကြောင်း၊ ဤငါးရက်တာငြိမ်းချမ်းရေးလမ်းလျှောက်ခရီးစဉ်ကို ယခုကဲ့သို့ ကမ္ဘာတစ်ဝှမ်းလုံး၏ငြိမ်းချမ်းရေးအတွက် အားကိုးအားထားရာဖြစ်သောUNရုံးရှေ့တွင် အောင်မြင်စွာ အဆုံးသတ်နိုင်ခြင်းအတွက် အထူးဝမ်းမြောက်မိပါကြောင်း၊ မြန်မာနိုင်ငံအတွင် ဖြစ်ပျက်သည့်အကြောင်းအရာနှင့်ပတ်သက်၍ မိမိတို့တောင်းဆိုထားသော-
၁။ ဖမ်းဆီးနှိပ်ဆက်မှုများ ချက်ချင်း ရပ်တဲ့ပေးရ၊
၂။ ရဟန်းရှင်လူများနှင့် နိုင်ငံရေးအကျဉ်းသားများ အားလုံးအား အမြန်ဆုံးလွှတ်ပေးရန်၊
၃။ သက်ဆိုင်ရာ အတိုက်အခံအဖွဲ့စည်းများနှင့် အမြန်ဆုံး ညှိနှိုင်းဆွေးနွေး၍ တိုင်းပြည်၏ ပြဿနာများကို ငြိမ်းချမ်းစွာ ဖြေရှင်းပေးရန် ဟူသော
အချက်သုံးကို ကုလသမ္မအဖွဲ့ကြီးမှ တာဝန်ယူဖြေရှင်းပေးနိုင်လိမ့်မည်ဟု ယုံကြည်မိပါကြောင်းစသည်တို့ကို ပြောကြားခဲ့ပါသည်။
UNရုံးအရာရှိက ပြန်လည်ပြောကြားရာတွင် ဤစာကို ကုလသမ္မအတွင်းရေးမှူး ဘန်ကီမွန်းထံ အမြန်ဆုံး ပို့ပေးမည်ဖြစ်ကြောင်း၊ စက်တင်ဘာအရေးအခင်းတွင် စစ်အာဏာရှင်များ၏ အကြမ်းဖက် နှိပ်နှင်းမှုသည် အမှန်တကယ် အရုပ်ဆိုးအကျည်းတန်သော လုပ်ရပ်ဖြစ်ကြောင်း၊ သူတို့အနေနှင့်လည်း ဤနအဖ၏လုပ်ရပ်ကို ရှုတ်ချကြောင်းစသည်ဖြင့် ပြောကြားခဲ့ပါသည်။